1990, 2 октября, Гомельская обл., г. Ветка. НЛО.

ВІЗІТЫ НЛА

ВЕТКА. Як нам паведамілі, тут двойчы за апошні час, над адным і тым жа месцам горада – аптэкай, вучні мясцовай СШ № 1 Павел Яськоў і Саша Бяліцкі назіралі неапазнаны лятаючы аб’ект. Павел Яськоў расказваў, што 2 кастрычніка, паміж дзевяццю і дзесяццю гадзінамі вечара заўважыў над гарадской аптэкай дзве кропкі чырвонага і зялёнага колеру прыблізна на 50-70-метровай вышыні. Кропкі мігалі адначасова. А потым бясшумна, паступова набіраючы скорасць, зніклі. Саша Бялецкі некалькімі днямі раней бачыў такія ж кропкі, якія на гэтай вышыні рухаліся ў бок аптэкі. Паміж імі да зямлі ішоў прамень зяленага святла… Чым прываблівала мясцовая аптэка іншапланецян, пэўна, адным ім вядома. Бо лекаў там – кот наплакаў, як, дарэчы, і ўсюды ў рэспубліцы.